ავტომობილის მდგომარეობა ზუსტად ისეთია, როგორიც აუქციონის აღწერაშია მითითებული. შესყიდვამდე კლიენტს მიეწოდება სრული ინფორმაცია დაზიანებების, ტაიტლის სტატუსისა და ისტორიის შესახებ. აუქციონის ავტომობილები იყიდება „as-is“ პრინციპით, რასაც კლიენტი ადასტურებს შეკვეთის განთავსებისას.
შესყიდვის დასადასტურებლად საჭიროა დეპოზიტი. ავტომობილის საბოლოო ღირებულება მოიცავს აუქციონის ფასს, აუქციონის მოსაკრებლებს, ტრანსპორტირებას პორტამდე და საზღვაო გადაზიდვას. ყველა ხარჯი წინასწარ ჩანს დილერულ კაბინეტში, დამატებითი ფარული საკომისიოს გარეშე.
ავტომობილის ტრანსპორტირება აშშ-ის შიდა პორტამდე ჩვეულებრივ 7-21 დღეს გრძელდება, ხოლო საზღვაო გადაზიდვა საქართველოს პორტამდე — დაახლოებით 4-6 კვირას. ზუსტი ვადა დამოკიდებულია გამგზავრების პორტსა და საზღვაო ხაზის განრიგზე. ყველა ეტაპი აისახება პლატფორმაზე.
ავტომობილი დაზღვეულია საზღვაო გადაზიდვის პერიოდში. ფორს-მაჟორული გარემოებები (საბაჟო შემოწმება, ამინდი, პორტის დატვირთვა) შესაძლოა გავლენას ახდენდეს ვადებზე — ასეთ შემთხვევებში კლიენტი დროულად ინფორმირდება. DoveLine არ არის პასუხისმგებელი აუქციონის მიერ არასწორად აღწერილ დაზიანებებზე, თუმცა ეხმარება კლიენტს პრეტენზიის დაფიქსირებაში.